Overblog Suivre ce blog
Editer l'article Administration Créer mon blog
25 janvier 2009 7 25 /01 /janvier /2009 21:11

S’alza una teppa à mezu à a virdura

« Tozza » la fiera supraneghja l’altura

D’ogni casale è lu so sguardu altieru

Veghja li tetti di lu rughjone interu.

 

Scherzosu, u campanile à l’altri si misura

Quellu di Chjatra hè più cortu di natura,

E ancu s’ellu hè bellu, u nostru l’hè di più,

Perchè l’hà sempre ellu, i nuli à tù per tù.

 

Sottu à e croce di lu vechju campusantu,

Ci sò li nostri antichi, è i castagni accantu

Sanu a vita chì ognonu hà campatu.

‘Ssi fidi testimonii di u tempu andatu,

 

Vi diciaranu sè vò ascultate appena,

Chì di d’Altimonti anu intesu la penna,

Corre à a lestra nantu à la carta bianca,

Chì la so musa linda mai ùn era stanca…

 

Cunteranu dinù chì quellu di a Grotta,

Prufessore è pueta, è ancu omu di lotta,

Giuvannottu indiatu in un epica nera,

Fù custrettu di fà è di vince la guerra.

 

Vi parlaranu di iss’omi di valore,

È di quessu è di quellu, mulatteru o pastore,

Ch’ùn vale à circà ind’i libri di storia,

Ma chì l’anni ùn ponu sguassà di a memoria.

 

Ferma la nostra ghjente brava è spiritosa,

I nostri lochi colmi di magia preziosa,

Cum’è la cara Petra, paese ùn si ne trova

Girate puru u mondu, n’averete la prova.

 

S’alza una teppa à mezu à a virdura

« Tozza » la fiera supraneghja l’altura

D’ogni casale è lu so sguardu altieru

Veghja li tetti di lu rughjone interu.

 

 

 

 

 

 

 

Partager cet article

Repost 0
Published by jean-guy talamoni - dans Scritti corsi
commenter cet article

commentaires

stefana 21/03/2010 21:28


vogliu salutà l'estru pueticu chi dà u so valore à a vostra puesia preziosa per l'alma e u core di a Petra Di Verde!


jean-guy talamoni 22/03/2010 08:24


À ringrazià vi assai.
Amicizia.
JG


Présentation

  • : Jean-Guy Talamoni
  • Jean-Guy Talamoni
  • : Jean-Guy Talamoni est avocat. Président de l'Assemblée de Corse, il a publié deux ouvrages politiques, "Ce que nous sommes" (Ramsay/DCL, 2001) et "Libertà" (2004), ainsi que trois livres sur la langue corse.
  • Contact

Recherche

Pages

Liens